Amene laue Summerabe im zwöituusig und eis, isch üse erscht Kultualass agseit gsi. Bis de o dr Bume isch itrudlet, hei mir afangs emau g'Apérölet und di wiudischte Gschichte über Froue, Jobsuechi, Diplomarbeit, HSW-Gschichtli und Breaking-News si ume bote worde.

Nach dr erschte Gepletsch-Rundi isch mer de o ändlech parat gsi für di leckeri Vorspiess, sigs Carpaccio, Schnägge o eifach nume äs gmischts Sslätli anere italiänische Sosse. Bim Houptgang het sech kene wöue ä blössi gäh, drum het mer Pfäffersteak, Schateau Briang oder Chalbsläberli bstellt.

Dr eigentlech Höhepunkt vom Alass isch ändlech nöcher cho. Am nüni hei mir üs de im Marians-Tschäss-Lokau igfunge heinis bi Cüpli und Drinks di erste tschässige Rhytme inezoge. Jede het versuecht ä chli ds Fachsimple und im Takt vom Tschäss a chli ume zwippe. Di meischte si aber rächt schnäll bi ihrem Gesülze ufgfloge, da chum eine d'Instrumänt het kennt gschwige denn d'Tschässrichtig het chönne definiere.

Mit em Blues ide Scheiche, äs paar Drinks ide Bire und es paar tüüre Fleischhäppli im Ranze simer aschliessend richtig Innestadt torklet um bimene Schlummertrunk no dr Abe la uszklinge.

Merci Hadi - äs isch wieder emau ä wältklasse Abe gsi!!!

Luki