Mit grossä Erwartigä simir im Bahnhof z Bärn zämächo u si grad mau i Zug richtig Züri igsti-gä. Das het eigentläch aui numä normau dünkt, dasmä zum wandärä nach Züri geit??? A-ber mir hei scho denn gaahnt, dass dr Luki öppis im Schiud füährt. Chum ds Züri hets grad glängt fürnäs Sandwich u när simär scho widär inä Kutschä Richtig Südä igstigä. Zersch heimär gmeint, d Organisatorä wöugä üs nach Italiä schickä um gägä Globalisierig z De-monstrierä wo grad a däm Weekend het stattgfundä. Aber im Gägäteil: Mit hei sogar no d Chancä übercho, mit zwe Schwachos wo würkläch ufäm Wäg de abä si gsi, chli über pro u contra ds diskutierä. Uf jedä Fau si die Jungs mit irnä Nike-Pullover rächt flach usächo...

Ds Lugano heimär de dörfä usstigä us si mau ä Hogär ufäklättärät inäs Viuäviurtu. Dert heimär, nach Ussagä vo dä Organisatorä Vali und Luki, dörfä imnä Huus vomnä bekanntä eutärä Päärli übernachtä. Äs het säch Du usägschteit, das di zwe widär mau glogä hei gha, denn mir hei fründlächärwiis im Huus vo Valis Tantä dörfä übernachtä u ds Pärli isch am Vali si Brüätsch u dessä Fründin gsi, auso ganz fründlächi u jungblibni Gaschtgeber.

Am nächschta Tag ischäs de losgangä. Mir si ä wunderschönä Hoger ufäklättärät. Di hertä Jungs hei dr Wäg "perricoloso" (zu deutsch: gfährläch) gno, d Weicheier hei d Grosi-Routä apackt. Nach öppä zwe Schtung u wunderschönä Usblickä heimär üs de widär troffä, hei Pigniggät u si nächär widär Richtig Tau u witär. Dummerwiis het dr Luki gmeint, abäloufä machi viu me Spass aus grad us oder ufä u so simär ca. 70% vor Strecki abwärts gloffä. Teunä Chnöi het das nid so guät ta!

Am Abä, nachdäm mir ds Poschi hei verpasst und ä krassä Schutmätsch uf Terbodä abg-hautä hei (d Chnöi scho widär vergässä...), simär de inä Superhüttä vomnä Luki-Bekanntä cho. D Näschtär hei zwar schtarch a nä Pornoproduktion erinnert, aber si si sehr gmüätläch gsi. Nachämä sehr feinä Znacht imnä gmüätlächä chlinä Dorfbeitzli, chli tumm schnurä u-fäm Gartäsitzplatz vordär Hütä, simär de mau ga ligä, so dasmär am nächschtä Tag widär hei chönnä vougas witerloufä.

Bi grossär Hitz simär de am Sunnti nachämä Zugfärtli ds Tegna no chli id Maggia ga badä, megä schön, aber öpä numä 2 cm warm. Äs hetsäch aber trotzdäm glohnt! Schliessläch simär de todmüä widär i Zug igschtigä u Richtig Bärn donneret. Auäs i auäm ä super Alass mit wunderschönä u warmä I- u Usblickä. Merci Vali und Luki

Stef